தி நியூ இந்தியன் எக்ஸ்பிரஸின் ஆசிரியர் இயக்குனர் பிரபு சாவ்லா மற்றும் ஆசிரியரும், மூத்த பத்திரிகையாளருமான கேவ்ரி பம்ஸாய் ஆகியோர்  நடத்திய உரையாடலில் கலந்துகொண்டு பேசிய அவர் ,  நேரு  இருந்திருந்தால் தான் உருவாக்கிய அணிசேரா கொள்கையை இன்று பின்பற்றியிருக்க மாட்டார் என்று குறிப்பிட்டார்.

தொடர்ந்து பேசிய அவர், எல்லைப் பிரச்சினை இந்தியாவுக்கு பெரும் பின்னடைவாகும். கல்வான் பள்ளத்தாக்கிலும், எல்லைக் கட்டுப்பாட்டு பகுதியிலும்  நாம் சீன சாகசத்தால்  சிக்கிக் கொண்டோம். அங்கு உளவுத்துறையின் தோல்வி தெளிவாக தெரிகிறது.  நாம் விழித்தெழும் முன்பே  சீனர்கள் மிகப் பெரிய விளையாட்டில் ஈடுபடுகிறார்கள்.

அவர்களது சிந்தனை நீண்ட காலமாக இருப்பதாக தெரிகிறது. ஒவ்வொரு முறையும் அவர்கள் யோசிக்கும்போது, ஒரு முக்கிய புள்ளியில் வந்து நிற்கிறார்கள். இந்நிலையில், இந்தியா ராஜதந்திரத்தை செயல்படுத்த முயற்சிக்கும் போது, அது முடிவுறாமல்  போகிறது. சீனாவைப் பொறுத்தவரை, முன்பை விட சிறந்த நிலையில் உள்ளது.

ராஜதந்திரம் ஒரு வாய்ப்பா என்று நாம் கேட்பதற்கு முன், சீனாவின் வளர்ச்சி கடுமையான பின்னடைவாக இருந்தது என்ற உண்மையை எதிர்கொள்வோம். ஒரு தத்துவார்த்த வாய்ப்பு உள்ளது ஆனால் அந்த வாய்ப்பின் அடிப்படைத் தத்துவம் பின்பற்றப்படவில்லை என்றார்.
அதன் பின்னர் கேள்விகளுக்கு  சசி தரூர் பதில் அளித்தார்.

கேள்வி:  சீரமைக்காத நேருவியன் கொள்கை  இறந்துவிட்டதாகத் தெரிகிறது. சீனாவுக்கு எதிரான கூட்டணியில் நாம் சேர்வது சரியானது  என்று நீங்கள் நினைக்கிறீர்களா?

சசி தரூர்: நான் ஒரு கூட்டணிக்கு அழுத்தம் கொடுக்கவில்லை.  கேள்வியை மட்டும் நான் எழுப்புகிறேன். சீனாவை எதிர்கொள்ள நாம் மற்ற நாடுகளுடன் உறவுகளையும், இணைப்பு பாலத்தையும் உருவாக்க வேண்டும்.  ஆனால், இது அமெரிக்கா விளையாட விரும்பும் அடுத்தவர்களை கட்டுப்படுத்தும் விளையாட்டாக இருக்க முடியாது. அதே சமயம், சீனாவை கட்டுப்படுத்தும் கொள்கையைப் பற்றி நாம் சிந்திக்க வேண்டும்.

கேள்வி: நேருவியன்  வெளிநாட்டுக் கொள்கை வழக்கற்றுப் போய்விட்டது என்றும், அதை மீண்டும் கவனிக்க வேண்டும் என்றும் நினைக்கிறீர்களா?

சசி தரூர்: இன்றைய காலத்திலிருந்து மிகவும் வித்தியாசமாக இருந்த ஒரு சகாப்தத்தில், நேரு வெளிநாட்டுக் கொள்கையை வகுத்தார்.  இன்று அவர் இருந்திருந்தால், தான் வகுத்த கொள்கையை அவரே பின்பற்றியிருக்க மாட்டார்  என்று நான் நினைக்கிறேன். எனவே, தற்போதைய சூழலுக்கு ஏற்ப தெளிவான இந்திய வெளியுறவுக் கொள்கை உருவாக வேண்டும். சீனர்கள் ஒரு வல்லரசாக உயர்ந்து வருகிறார்கள்.  அவர்கள் நூற்றாண்டின் நடுப்பகுதிக்கு முன்னர் அமெரிக்காவை முந்தப் போகிறார்கள். நேருவியன் சகாப்தத்தின் அடிப்படைக் கொள்கை இங்கே பொருந்தாது.

சீனா ஒரு விரிவாக்க சக்தி,  மற்றவர்களின் இழப்பில் சீனா தங்கள் முழங்கையை நீட்ட விரும்புகிறது. அவர்கள் தங்களை முழு உலகின் மையமாகவே பார்க்கிறார்கள். அவர்களின் சித்தாந்தம் நமக்கு விரோதமானது. சீன நாகரீகம் இன்று தன்னை வெளிப்படுத்திக் கொள்ளும் விதம், கருத்தியல் ரீதியாக, புவிசார் அரசியல் மற்றும் ராணுவ ரீதியாக  இருக்கிறது, இது மற்றவர்களுடன் மோதலைக் கொண்டுவரும். இந்த சூழலில், சீனாவை கட்டுப்படுத்த ஒரு கூட்டாட்சியை உருவாக்கக்கூடிய நாடுகளின் குழுவை வழி நடத்த அல்லது ஊக்குவிப்பதற்கான ஒரு வாய்ப்பை இந்தியா பயன்படுத்த வேண்டும். உதாரணமாக, ஆஸ்திரேலியா, ஜப்பான், இந்தோனேசியா, சிங்கப்பூர் மற்றும் தென் கொரியா போன்ற நாடுகளுடன் இணைந்து செயல்பட வேண்டும். உலகின் பிற பகுதிகளுக்கு அவர்கள் எவ்வளவு சேதத்தை ஏற்படுத்த முடியும் என்பதைக் கட்டுப்படுத்த,  நம் பலத்தை  பயன்படுத்தலாம்.

கேள்வி: சீனாவுடனான உறவு தொடர்பாக மோடி அரசாங்கத்திற்கும், முந்தைய அரசாங்கத்திற்கும் உள்ள வேறுபாடு?

சசி தரூர்: மின்சாரம், துறைமுகம் மற்றும் தொலை தொடர்புத் துறைகளில் சீன முதலீடுகள் மீதான தடைகளை மோடி அரசு நீக்கியது. நாட்டின் 5 ஜி ஒப்பந்தங்களுக்கு ஏலம் எடுக்கும் சீன நிறுவனங்களை அனுமதிக்கலாமா என்பதை  நாம் ஆராய வேண்டும்.   நிலைமையை மீட்டெடுக்க முடியுமா,  அல்லது அது அமில சோதனையாக இருக்குமா என்று பார்ப்போம்

கேள்வி: கொரோனாவையும், ஊரடங்கையும் மத்திய அரசு எவ்.வாறு கையாண்டது?

சசி தரூர்: ஊரடங்கை செயல்படுத்தும் முன்,  மூன்று மணி நேரத்துக்கு முன்பு தான்   அறிவிப்பு  வெளியிடப்பட்டது, இது  இறுதியில் 4  மாத ஊரடங்காக மாறியது. எல்லோரும் பெரும் சிரமங்களை எதிர்கொண்டது தான் மிச்சம்.

The post சீனாவின் விரிவாக்கத்தை முறியடிக்க என்ன வழி? சசி தரூர் appeared first on தேசிய முரசு - Desiya Murasu.