இந்த சூழலில், கொரோனாவை விட கொடுமையான செய்திகள் வந்து கொண்டிருக்கின்றன. 2021 ஆம் ஆண்டில் புதிதாக 38 கோடீசுவரர்கள் உருவாகியிருக்கிறார்கள். வழக்கம்போல் பிரதமர் மோடியின் உயிர் தோழர்களான அம்பானியும் அதானியும் இந்தியாவில் முதல் மற்றும் இரண்டாவது இடத்தை தக்க வைத்துக் கொண்டுள்ளனர்.

2021 ஆம் ஆண்டுக்கான உலக பணக்காரர்கள் பட்டியலை ஃபோர்ப்ஸ் வெளியிட்டுள்ளது. அமெரிக்கா, சீனாவுக்கு அடுத்தபடியாக 140 கோடீசுவரர்களைப் பெற்று இந்தியா மூன்றாவது இடத்தை வகிக்கிறது.

கடந்த ஆண்டு 102 ஆக இருந்த கோடீசுவரர்களின் எண்ணிக்கை, இந்த ஆண்டு 140 ஆக உயர்ந்துள்ளது. அதாவது, கொரோனா காலத்தில் நாடே முடக்கப்பட்ட நிலையிலும், 38 கோடீசுவரர்கள் உருவாகியுள்ளனர்.

இந்தியாவில் உள்ள ஒட்டுமொத்த கோடீசுவரர்களின் சொத்து மதிப்பு 596 பில்லியன் அமெரிக்க டாலராகும். உலக அளவில் பணக்காரர்களின் ஒட்டுமொத்த சொத்து மதிப்பில் இந்தியா மூன்றாவது இடத்தைப் பிடித்துள்ளது. கடந்த ஆண்டு ஒட்டுமொத்த பணக்காரர்களின் சொத்து மதிப்பு 313 பில்லியன் டாலராக இருந்தது. தற்போது இரு மடங்கு அதிகரித்துள்ளது குறிப்பிடத்தக்கது.

ஃபோர்ப்ஸ் இந்திய பணக்காரர்கள் பட்டியலின்படி, ரிலையன்ஸ் இன்டஸ்ட்ரீஸ் லிமிடெட்டின் தலைவர் முகேஷ் அம்பானிக்கும் அதானி குழுமத் தலைவர் கவுதம் அதானி மற்றும் ஹெச்சிஎல் டெக்னாலஜீஸ் முன்னாள் தலைவர் சிவ்நாடாருக்கும் இடையே 100 பில்லியன் டாலர் அளவுக்கு சொத்து மதிப்பு இடைவெளி உள்ளது.

உலக அளவில் கோடீசுவரர்கள் எண்ணிக்கையும் அதிகரித்துள்ளது. ஃபோர்ப்ஸ் ஊடகம் வெளியிட்டுள்ள உலக அளவிலான 2,755 கோடீசுவரர்களில் 660 பேர் புதிய கோடீசுவரர்கள். அமெரிக்காவில் 724 புதிய கோடீசுவரர்களும், சீனாவில் 698 புதிய கோடீசுவரர்களும் உருவாகியிருக்கிறார்கள்.

அமேஜான் நிறுவனர் ஜெஃப் பெஜோஸ் நான்காவது முறையாக உலகின் முதல் பணக்காரராக நீடித்து வருகிறார். இவரது சொத்து மதிப்ப 177 பில்லியன் டாலர் ஆகும். இவரைத் தொடர்ந்து எலோன் மஸ்க் 151 பில்லியன் டாலர் அளவுக்கு சொத்துகளைப் பெற்று உலக அளவில் இரண்டாம் இடம் வகிக்கிறார். கடந்த ஆண்டு 24.6 பில்லியன் டாலர் சொத்துகளைப் பெற்று 31 ஆவது இடத்திலிருந்த மஸ்க், தற்போது இரண்டாம் இடத்துக்கு முன்னேறியிருப்பதாக ஃபோர்ப்ஸ் தெரிவித்துள்ளது. லூயிஸ் உய்ட்டன் எஸ் இ நிறுவனத்தின் தலைமை நிர்வாகியான பெர்னார்டு அர்னால்ட், 150 பில்லியன் டாலர் சொத்துகளுடன் 3 ஆவது உலக பணக்காரராக இருக்கிறார்.

இந்திய கோடீசுவரர்கள் பட்டியல்:

உலக அளவில் 10 ஆவது பணக்காரராக அம்பானி இருக்கிறார். 84.5 பில்லியன் டாலர் அளவுக்கு சொத்துகளுடன் ஆசியாவிலேயே முதல் பணக்காரராக வலம் வருகிறார். கடந்த ஆண்டு இவரது சொத்து மதிப்பு 36.8 பில்லியன் டாலராக இருந்தது. கொரோனாவால் நாடே முடங்கிய ஒரே ஆண்டில் கிட்டத்தட்ட 60 சதவிகிதம் சொத்து மதிப்பு குறிப்பிடத்தக்கது.

2020 செப்டம்பர் மாதம் மும்பை விமானநிலையத்தில் 74 சதவிகித பங்குதாரரானார் கவுதம் அதானி. இவர், 50.5 பில்லியன் டாலர் மதிப்பு சொத்துகளைப் பெற்று உலக அளவில் 24 ஆவது பணக்காரராக இருக்கிறார்.

ஹெச்சிஎல் டெக்னாலஜிஸ் நிறுவனர் சிவ் நாடார் இந்தியாவின் மூன்றாவது பணக்காரராக உள்ளார். 23.5 பில்லியன் டாலர் சொத்துகளைப் பெற்று உலக அளவில் 71 ஆவது பணக்காரராக இருக்கிறார்.

டிமார்ட் நிறுவனர் ராதாகிஷன் தமணி 16.5 பில்லியன் டாலர் சொத்துகளைப் பெற்று இந்தியாவின் நான்காவது பணக்காரராக இருக்கிறார். இவரைத் தொடர்ந்து இந்தியாவின் பணக்கார வங்கியாளரும் கோடக் மஹிந்த்ரா வங்கியின் நிர்வாக இயக்குநருமான உதய் கோடக் இந்தியாவின் 5 ஆவது பணக்காரராக உள்ளார். இவரது சொத்து மதிப்பு 15.9 பில்லியன் டாலர் ஆகும்.

ஏர்செலர்மிட்டல் எஃகு ஆலையின் நிர்வாகத் தலைவராக இருக்கும் லக்சுமி மிட்டல், 14.9 பில்லியன் டாலர் சொத்துகளுடன் இந்தியாவின் 6 ஆவது பணக்காரராக உள்ளார்.

சிரம் இன்ஸ்ட்யூட் ஆஃப் இந்தியாவின் தலைவர் சைரஸ் பூனாவாலா 12.7 பில்லியன் டாலர் சொத்துகளைப் பெற்று இந்தியாவின் 7 ஆவது பணக்காரராகவும், சன் பார்மசூட்டிகல்ஸ் நிறுவனர் திலீப் சங்வி 10.9 பில்லியன் டாலர் சொத்துகளுடன் 8 ஆவது பணக்காரராகவும், பார்தி ஏர்டெல்லின் சுனில் மிட்டல் 10.5 பில்லியன் டாலர் சொத்துகளுடன் இந்தியாவின் 9 ஆவது பணக்காரராக இருப்பதாகவும் ஃபோர்ப்ஸ் வெளியிட்டுள்ள பட்டியலில் தெரிவிக்கப்பட்டுள்ளது.

புதிய கோடீசுவரர்கள்:

1 பில்லியன் டாலர் சொத்துகளுடன் இந்த ஆண்டு இந்தியாவில் புதிய பணக்காரர்கள் அடி எடுத்து வைத்துள்ளார்கள். இதில் மெட்ரோ பிராண்டின் தலைவர் ரஃபிக் மாலிக், கஜாரியா செராமிக்ஸ் நிர்வாக இயக்குனர் அசோக் கஜாரியா மற்றும் கல்யாண் ஜுவல்லர்ஸின் டி.எஸ். கல்யாணராமன் ஆகியோர் அடங்குவர். மேலும், ரெலாக்சோ ஃபுட்வியர்ஸில் பெருமளவு பங்குகளை பெற்றதன் மூலம் முகுந்த்லால் துவா மற்றும் அவரது இளைய சகோதரர் ரமேஷ் குமார் துவா ஆகியோரும் கோடீசுவரர்கள் பட்டியலில் இணைந்துள்ளனர்.

இந்திய பெண் கோடீசுவர்கள் பட்டியல் :

இந்தியாவிலேயே முதல் பெண் கோடீசுவரராக ஜிண்டால் குழுமத்தின் தலைவர் சாவித்ரி ஜிண்டால் உள்ளார். 12.8 பில்லியன் டாலர் சொத்துகளைப் பெற்று, உலக அளவில் இவர் 166 ஆவது கோடீசுவரராக இருக்கிறார்.

பைகான் தலைவர் மற்றும் நிர்வாக இயக்குனரான கிரன் மஜும்தார் ஷா 4.2 பில்லியன் டாலர் சொத்துகளைப் பெற்று ந்தியாவின் இரண்டாவது பெண் பணக்காரராக இருக்கிறார். உலக அளவில் இவர் 681 ஆவது பணக்காரராக இருக்கிறார். கோத்ரெஜ் கிளான்ஸின் ஸ்மிதா கிரீஷ்ணா கோத்ரெஜ் 2.4 பில்லியன் டாலர் சொத்துகளுடன் இந்தியாவின் 3 ஆவது பெண் பணக்காரராக இருக்கிறார். ஜெகே சிமிண்ட்ஸின் கவிதா சிங்கானியா 4 ஆவது பெண் பணக்காரராக சமீபத்தில் இணைந்துள்ளார். இவர், இந்தியன் எக்ஸ்பிரஸ் நிறுவனர் ராம்நாத் கோயங்காவின் பேத்தி ஆவார்.

The post 2021 ஆம் ஆண்டும் இந்திய பணக்காரர்கள் வரிசையில் முதல் மற்றும் 2 ஆம் இடத்தைப் பிடித்த அம்பானி, அதானி appeared first on தேசிய முரசு - Desiya Murasu.

பொருளாதார மந்தநிலை:

கடந்த 1996 ஆம் ஆண்டுக்குப் பின், 2020 ஆம் ஆண்டு ஏப்ரல் முதல் செப்டம்பர் வரையிலான கடந்த 2 காலாண்டுகளில் ஜிடிபி எனப்படும் மொத்த உள்நாட்டு உற்பத்தி கடும் வீழ்ச்சியடைந்துள்ளது.

பணக்காரர்களின் எழுச்சி :

நாட்டின் பொருளாதாரம் மந்தமாக இருந்தாலும், தொழிலதிபர்கள் கவுதம் அதானி மற்றும் முகேஷ் அம்பானி ஆகியோரின் சொத்து மதிப்பு இந்த இக்கட்டான கொரோனா காலத்திலும் ராக்கெட் வேகத்தில் ஏறுமுகமாக இருந்துள்ளது. 2017 ஆம் ஆண்டு மார்ச் முதல், 2020 ஆம் ஆண்டு டிசம்பர் வரையிலான காலகட்டத்தில் அதானியின் சொத்து மதிப்பு 6 மடங்கு உயர்ந்துள்ளது. அதாவது, 5.37 பில்லியன் டாலரிலிருந்து 34 பில்லியன் டாலராக உயர்ந்துள்ளது. 2020 ஆம் ஆண்டு ஜூன் மாதம் முதல் படிப்படியாக 3.5 முறை சொத்து மதிப்பு உயர்ந்துள்ளது. இதனை இதனை ஒப்பிடும்போது, அம்பானியின் சொத்து மதிப்பு கடந்த 2017 ஆம் ஆண்டு மார்ச் மாதம் முதல் 2020 டிசம்பர் மாதம் வரை 2.8 மடங்கு அதிகரித்துள்ளது. அதாவது, 26.6 பில்லியன் டாலரிலிருந்து, 74.4 பில்லியன் டாலராக உயர்ந்துள்ளது. 2020 ஜூன் முதல் அம்பானியின் சொத்து மதிப்பு 1.3 மடங்கு அதிகரித்துள்ளது.

அப்பட்டமான சமத்துவமின்மை :

இந்தியாவில் ஒட்டுமொத்த மக்கள் தொகையில் 39 சதவீத சொத்துக்கள் 1 சதவீத பணக்காரர்களிடம் உள்ளன. சீனா மற்றும் அமெரிக்காவை ஒப்பிடும்போது இது பல மடங்கு அதிகம். ஒட்டுமொத்த மக்கள் தொகையில் அதிக சதவீதம் சொத்துக்கள் வைத்திருக்கும் பணக்காரர்களின் பட்டியலில், உலக அளவில் முதல் இடத்தில் ரஷ்யாவும், இரண்டாம் இடத்தில் பிரேசிலும், மூன்றாம் இடத்தில் இந்தியாவும், நான்காம் இடத்தில் அமெரிக்காவும், ஐந்தாம் இடத்தில் சீனாவும் உள்ளன.

தனிப்பட்ட நபரின் அதிகபட்ச மொத்த சொத்து :

2019 ஆம் ஆண்டு இறுதிவரை, இந்தியாவில் 4,593 பணக்காரர்களின் சொத்து மதிப்பு 50 மில்லியன் டாலருக்கு அதிகமாக உயர்ந்துள்ளது. இந்த ஆண்டு ஜூன் வரை இந்தப் பட்டியலில் 85 புதிய பணக்காரர்கள் இடம்பெற்றுள்ளனர். இதே காலகட்டத்தில், 1,330 புதிய பணக்காரர்கள் உருவாகியிருக்கிறார்கள்.

2019 ஆம் ஆண்டு இறுதியில் 50 மில்லியன் டாலர் சொத்துகள் வைத்திருக்கும் பணக்காரர்கள் பட்டியலில் 21,087 பேர் இடம்பெற்று உலக அளவில் சீனா முதலிடத்தில் உள்ளது.
89,509 பணக்காரர்களைப் பெற்ற அமெரிக்கா இரண்டாவது இடத்திலும், 4,593 பணக்காரர்களைப் பெற்று இந்தியா மூன்றாவது இடத்தையும், 3,712 பணக்காரர்களைப் பெற்று பிரான்ஸ் நான்காவது இடத்திலும்,2,775 பணக்காரர்களைப் பெற்று இத்தாலி ஐந்தாவது இடத்திலும், 794 பணக்காரர்களைப் பெற்று தாய்லாந்து ஆறாவது இடத்திலும் உள்ளன.

2020 ஜனவரி முதல் ஜூன் வரையிலான காலகட்டத்தில் சீனாவில் 1,330 புதிய பணக்காரர்கள் உருவாகியிருக்கிறார்கள். அமெரிக்காவில் 121 புதிய பணக்காரர்களும், இந்தியாவில் 85 புதிய பணக்காரர்களும், பிரான்ஸின் 41 புதிய பணக்காரர்களும் உருவாகியிருக்கிறார்கள். அதேசமயம், இத்தாலியில் மைனஸ் 5 மற்றும் தாய்லாந்தில் மைனஸ் 20, கொரியாவில் மைனஸ் 30, ஜப்பானில் மைனஸ் 45, ஸ்பெயினில் மைனஸ் 78, இங்கிலாந்தில் மைனஸ் 398 மற்றும் பிரேசிலில் மைனஸ் 609 ஆக புதிய பணக்காரர்களின் எண்ணிக்கை குறைந்துள்ளது.

The post கொரோனா காலம் : முகேஷ் அம்பானி, அதானி , 85 புதிய பணக்காரர்களின் பொற்காலம் appeared first on தேசிய முரசு - Desiya Murasu.